Connect with us

vegetarian

சூடான சுவையான கீரை போண்டா செய்யலாமா…!

Published

on

பொதுவாகவே நமக்கு கீரையை சாப்பிடணும்னா கொஞ்சம் கஷ்டமாகத்தான் இருக்கும். அதே கீரையை போண்டாவில் வைத்து சாப்பிட்டால் நன்றாக சாப்பிடுவோம். உதாரணமாக மாத்திரை சாப்பிட கஷ்டப்படுபவர்களுக்கு அதை வாழைப்பழத்தில் வைத்துக் கொடுப்பார்கள். இது உடலுக்கு ஆரோக்கியத்தை தரக்கூடிய ஒரு ரெசிபி.

நிறைய டீ கடைகளில் பார்த்திருப்போம். அதே போண்டாவை வீட்டில் செய்தால் என்ன? வாங்க செய்து பார்க்கலாம்.

என்னென்ன தேவை?

கடலை மாவு – 1 கப், பச்சரிசி மாவு – 1/4 கப், சோம்பு – 1/2 ஸ்பூன், மிளகாய் தூள் – 1/2 ஸ்பூன், பெருங்காயத்தூள் – 1/4 ஸ்பூன், தேவையான அளவு உப்பு, கறிவேப்பிலை கொத்தமல்லி தழை பொடியாக நறுக்கியது – 1 கைப்பிடி அளவு, பெரிய வெங்காயம் நீளவாக்கில் வெட்டியது – 1, பச்சை மிளகாய் – 2 பொடியாக நறுக்கியது, அரைக்கீரை சுத்தம் செய்து கொஞ்சம் பொடியாக நறுக்கியது – 2 கைப்பிடி அளவு. (இதில் கடலை மாவு 250 கிராம் அளவு அளந்து எடுத்துக் கொண்டால் சரியாக இருக்கும். எந்த கப்பில் கடலைமாவை அளக்கிறீர்களோ அதே கப்பில் – 1/4 கப் அளவு அரிசி மாவு சேர்த்துக் கொள்ளுங்கள் சரியாக இருக்கும்.)

எப்படி செய்வது?

அடுப்பில் போண்டா சுடுவதற்கு ஒரு கடாயை வைத்து அதில் எண்ணெய் ஊற்றி சுட வைத்துக் கொள்ளுங்கள். முதலில் ஒரு பாத்திரத்தில் கடலை மாவையும் அரிசி மாவையும் சேர்த்து நன்றாக கலந்து விடுங்கள்.

பின்பு சோம்பு, மிளகாய்த்தூள், பெருங்காயத்தூள், தேவையான அளவு உப்பு, நறுக்கிய வெங்காயத்தை சேர்த்து ஒருமுறை வெங்காயத்துடன் மாவு ஒட்டும் படி உங்கள் விரல்களால் நன்றாக கலந்து கொடுங்கள்.

அடுத்தபடியாக அடுப்பில் காய்ந்து கொண்டிருக்கும் எண்ணெய் சூடானதும் அந்த எண்ணிலிருந்து 1/2 குழிக்கரண்டி அளவு எடுத்து இந்த மாவில் ஊற்றி நன்றாக பிசைந்து கொடுக்க வேண்டும்.

பின்பு பொடியாக நறுக்கி வைத்திருக்கும் கருவேப்பிலை கொத்தமல்லித் தழையையும், பச்சை மிளகாயையும், கீரையையும், மாவோடு சேர்த்து நன்றாக பிசைந்து கொடுத்து தண்ணீர் தெளித்து தெளித்து போண்டா மாவு பதத்திற்கு மாவை பிசைய வேண்டும்.
மாவை எடுத்து உருண்டை செய்து எண்ணெயில் போடும் அளவிற்கு மாவு கொஞ்சம் கெட்டியாக இருக்க வேண்டும். அதேசமயம் ரொம்பவும் கெட்டியாக இருக்கக் கூடாது. போண்டா உள்ளே வேகாது.

எண்ணெய் நன்றாக காய்ந்ததும் அடுப்பை மிதமான தீயில் வைத்து விட்டு அதன் பின்பு சிறு சிறு உருண்டைகளாக மாவை உருண்டை பிடித்து எண்ணெயில் விட்டு மிதமான தீயில் பொன்னிறமாக வேக வைத்து எடுத்தால், டீக்கடை கீரை போண்டா தயார்…!

குறிப்பு: போண்டா சைசை கொஞ்சம் சின்ன சின்னதாகவே மாவு பிடித்துக்கொள்ளுங்கள். அப்போது தான் உள்ளே கடலை மாவு நன்றாக வெந்திருக்கும். பின்குறிப்பு: மேலே சொன்ன படி குறிப்புகளை பின்பற்றி, போண்டா மாவு பிசையும்போது எந்த பொருளுக்கு பின்பு, எந்த பொருட்களை சேர்க்க வேண்டும் என்று சரியாக சேர்த்து மாவை பிசைந்தால் நிச்சயம் போண்டா பக்குவம் மாறாது.

கீரை வகைகளில் மட்டும் உங்களுக்கு எந்த கீரை கிடைத்தாலும், இந்த போண்டாவில் சேர்த்துக்கொள்ளலாம். அரைக்கீரை மட்டுமல்லாமல் சிறுகீரை, முருங்கைக்கீரை, பாலக்கீரை, சேர்த்தும் போண்டா செய்யலாம் என்பது குறிப்பிடத்தக்க ஒன்று.

Continue Reading

Home

நார்ச்சத்துள்ள உணவுகள் உடலில் என்ன செய்கிறது?

Published

on

நார்ச்சத்துள்ள உணவுகள் நம் உடலுக்கு இன்றியமையாத தேவை. இது ஏன் தேவை? எதற்கு தேவை? இதை நாம் எப்படி கண்டறிந்து சாப்பிட வேண்டும்? இதனால் நமக்கு அப்படி என்ன பலன் வந்து விடப்போகிறது என்று பல வகைகளில் நமக்கு சந்தேகங்கள் வரும்.

இது தப்பில்லை. வந்தும் அதை அறியாமல் இருப்பது தான் தப்பு. நமக்கு எல்லாமே தெரிந்து விடப்போவதில்லை. தெரியாத விஷயத்தை யாரிடம் தெரியுமோ அவர்களிடம் கேட்டுத் தெரிந்து கொண்டால் போதும். இந்த கட்டுரையைப் படியுங்கள். உங்களுக்கு நார்ச்சத்தின் அவசியம் தெரியும்.

நார்ச்சத்து அனைத்து வகைத் தாவரங்களிலும் காணப்படும். இது ஒரு ஊட்டச்சத்து. செரிமானத்தைத் துரிதப்படுத்துவது இந்த நார்ச்சத்து தான். கரைபவை, கரைய முடியாதவை என இருவகையான நார்ச்சத்துகள் உள்ளன.

மலச்சிக்கலை தடுப்பது இந்த நார்ச்சத்துதான். முழுக்கோதுமை பண்டங்கள், சோள உமி, சணல் விதைகளில் நார்ச்சத்துகள் மிக அதிகளவில் காணப்படுகிறது. அதே போல் மரக்கறிகள் மற்றும் பழங்களில் இந்த சத்துகள் நிறைந்துள்ளன.

கரையக்கூடிய நார்ச்சத்தானது இதயம், ரத்த ஓட்டத்தொகுதிக்கு மிகவும் நல்ல மருந்து. ரத்தத்தில் உள்ள கொழுப்பின் அளவைக் குறைக்கவும் சர்க்கரையின் அளவைக் கட்டுப்படுத்தவும் செய்கிறது. ஓட்ஸ், பிரான் மற்றும் ஓட்மீல், பார்லி, சீலியம் மற்றும் அவரை விதைகளில் நார்ச்சத்து அதிகளவில் காணப்படுகிறது. உடல் எடையைக் குறைக்கிறது.

ஸ்ட்ராபெர்ரி, புளுபெரி பழங்கள், பதப்படுத்தாத கோதுமை உமி, பான்கேக், மஃபின், வெள்ளை பிரட், வெள்ளை ஹம்பர்கர், மல்டி கிரெயின், முழு கோதுமை, ரை, பார்லி, ஓட்ஸ் ஆகியவற்றில் நார்ச்சத்துகள் உள்ளன.

செர்ரி, திராட்சை, முலாம்பழம், தர்பூசணி ஆகியவற்றில் குறைந்தளவு நார்ச்சத்துகள் உள்ளன.

ஆப்பிள், அன்னாசி, வாழைப்பழங்களில் நடுத்தர அளவுள்ள நார்ச்சத்துக்கள் உள்ளன. மாம்பழம், புளுபெரி, ராஸ் பெரி, ஸ்ட்ராபெரி, அப்ரிக்கொட் பழம், அத்திப்பழம், ரெய்சின்ஸ் ப்ரூட் ஆகியவற்றில் அதிகளவிலான நார்ச்சத்துகள் உள்ளன.

அதேபோல், வெங்காயம், வெள்ளரிக்காய், காளான், தக்காளி, செலரி, காலிப்ளவர், தோலுரித்து மசிக்கப்பட்ட உருளைக்கிழங்கு, அஜ்பரகஸ், ஸ்குவாஷ் ஆகியவற்றில் குறைந்த அளவிலான நார்ச்சத்துகளும், முழு சோளம், தோலுரிக்கப்படாத இனிப்புக் கிழங்கு, பச்சை கேரட், கத்தரிக்காய், புரொக்கோலி, முளைகட்டிய பீன்ஸ் ஆகியவற்றில் நடுத்தரமான நார்ச்சத்துகளும், பச்சைப்பட்டாணி, லெகுமிஸ், வறுக்கப்பட்ட சோளம் ஆகியவற்றில் மிக அதிகளவில் நார்ச்சத்துகளும் உள்ளன. இவற்றைத் தேர்ந்து எடுத்து தினமும் உங்கள் அன்றாட உணவில் சேர்த்து சாப்பிட்டு வாருங்கள். இதன் பலனை நீங்கள் அனுபவித்து விடுவீர்கள். அப்புறம் உங்கள் உடல் நலனில் அக்கறை செலுத்த ஆரம்பித்து விடுவீர்கள்.

Continue Reading

Entertainment

காய்கறி சூப் செய்வது எப்படின்னு தெரியுமா?

Published

on

நாம் அசைவத்தில் உள்ள சத்துக்களுக்கு இணையான சத்துக்கள் சைவத்திலும் உண்டு என படித்திருக்கிறோம். உதாரணத்திற்கு அசைவத்தில ஆட்டுக்கால், மாட்டுக்கால் மாட்டுவால் சூப் குடித்திருப்போம். அதனால் சளிக்கு நல்லது.

எலும்புகளுக்கு உறுதி என படித்தும் இருப்போம். அதற்கு இணையான சத்து சைவத்தில் காய்கறி சூப்பில் உள்ளது. குழந்தைகள் முதல் பெரியவர்கள் வரை அனைவரும் குடிக்கலாம்.

இனி எப்படி செய்வது என்று பார்க்கலாம்.

என்னென்ன பொருள்கள்?

வெங்காயம் – 1
கேரட் -1
பீன்ஸ் – 3
பச்சைப்பட்டாணி – கால் கப்
சோள மாவு – ஒன்றரை மேசைக்கரண்டி
இஞ்சி – 1 துண்டு
பூண்டு பல் – 15
மிளகு தூள் – 1 தேக்கரண்டி
மல்லித்தழை, உப்பு – தேவைக்கேற்ப

எப்படி செய்வது?

முதலில் ஒன்றரை மேசைக்கரண்டி சோளமாவை தண்ணீரில் சேர்த்து கட்டிகள் இல்லாமல் கரைத்து வைங்க. இஞ்சி, பூண்டு பற்களை பரபரவென இடித்து வைங்க.

அப்புறம் அடுப்பைப் பற்ற வைங்க. அதில் ஒரு பாத்திரத்தை வைங்க. இப்போது வெண்ணை சேர்த்து நல்லா உருக்குங்க. இதில் நறுக்கிய இஞ்சி, பூண்டு விழுதை சேர்த்து பச்சை வாசத்தை நீக்க நல்லா வதக்குங்க.

பின்னர் அதனுடன் பொடிப்பொடியாக நறுக்கிய வெங்காயத்தை சேர்த்து வதக்குங்க. கடைசியாக கேரட், பீன்ஸ், பச்சை பட்டாணி ஆகியவற்றை சேர்த்து நல்லா வதக்குங்க.

அவை நல்லா வெந்ததும், 4 கப் அளவு தண்ணீர் ஊற்றுங்க. அதனுடன் கொஞ்சம் உப்பு போடுங்க. இப்பவும் நல்லா கொதிக்க வைங்க. 20 நிமிடம் வரை கொதிக்க வைங்க.

நல்லா கெட்டியான பதத்திற்கு வந்ததும் ஒரு தேக்கரண்டி அளவு மிளகுத்தூளை சேருங்க. கடைசியா அடுப்பை அணைத்து விடுங்க. இப்போது சூடான காய்கறி சூப் ரெடி..!

Continue Reading

Home

புரதச்சத்துகள் நிறைந்த காலிஃப்ளவர் பொரியல் செய்வோமா..

Published

on

பிராக்கலியைப் பார்க்கும்போதே அதை பொரித்து சாப்பிட வேண்டும் என்று ஆசையாக இருக்கும். இதில் அசைவ உணவில் உள்ள சத்துகளை விட அதிகளவில் புரதச்சத்து உள்ளது.
இந்த பிராக்கலியைப் பூக்கோசு என்றும்  காலிஃப்ளவர் சொல்வர். பார்ப்பதற்கு பூக்களின் தொகுப்பாக இருக்கும். பூக்கோசு பொரியலை நாம் எப்படி செய்வது என்று பார்க்கலாம்.

என்னென்ன பொருள்கள்

பிராக்கலி – 300 கிராம்
தேங்காய் துருவல் – 1/2 கப்
பெரிய வெங்காய் – 1
காய்ந்த மிளகாய் – 5
இஞ்சி பூண்டு பேஸ்ட் – 1/2 ஸ்பூன்
சிக்கன் மசாலா – 1/2 ஸ்பூன்
கார மிளகாய் தூள் – 1/2 ஸ்பூன்
உப்பு – 1 ஸ்பூன்
கொத்தமல்லி தழை – சிறிதளவு
பாமாயில் – 4 ஸ்பூன்

எப்படி செய்வது

பிராக்கலியை சுத்தமாக நல்லா கழுவுங்க. பின்னர் அதைப் பொடிப்பொடியாக நறுக்கி வைங்க. பெரிய வெங்காயத்தையும் நீள நீளமாக அரிந்து கொள்ளுங்கள். காய்ந்த மிளகாயை சின்ன சின்ன துண்டுகளாக நறுக்கிக்கோங்க.

இப்போது அடுப்பைப் பற்ற வைத்து அதில் வாணலியை வைங்க. 4 ஸ்பூன் எண்ணையை விடுங்க. நல்லா காய்ந்ததும் கடுகு, சீரகம் தலா அரை கரண்டியை சேர்த்து தாளிங்க. அதோடு நறுக்கிய வெங்காயத்தையும் சேர்த்து பொன்னிறம் வரும் வரை நல்லா வதக்குங்க. அப்புறமா காய்ந்த மிளகாய், நறுக்கி வைத்த பிராக்கலி ஆகியவற்றை சேர்த்து நல்லா வதக்கிக்கோங்க.

துருவிய தேங்காயை ஒரு அரை கப் சேருங்க. மஞ்சள் தூள், மிளகாய்த் தூள், கறி மசாலா ஆகியவற்றைப் போடுங்க. நல்லா வதக்குங்க. அடுப்பில் தீயைக் குறைத்து வைங்க. அவ்வப்போது நல்லா கிளறி விடுங்க. கால் டம்ளர் தண்ணீர் சேர்த்து நல்லா கிளறிவிடுங்க.

இப்போது ஒரு 5 நிமிடம் மூடி போட்டு நல்லா வேக விடுங்க. நறுக்கிய கொத்தமல்லி தழைகளைச் சேர்த்து ஒரு கிளறு கிளறிவிடுங்க. அடுப்பில் இருந்து இறக்குங்க. சூடான சுவையான பிராக்கலி பொரியல் ரெடி…!

Continue Reading

Trending