Connect with us

Entertainment

சாப்பாட்டுக்கு இடையே…. சாப்பிட்ட உடனே தண்ணீர் குடிக்கலாமா?

Published

on

நாம் சாப்பிடும்போது இடையிடையே தண்ணீர் குடிப்போம். ஒரு சிலர் சாப்பிடும்போது எவ்வளவு தாகம் எடுத்தாலும் தண்ணீரே குடிக்க மாட்டார்கள். சாப்பிட்டு முடித்ததும் தான் குடிப்பார்கள்.

இவற்றில் எது சரி. எது தவறு என்று ரொம்பவே நிறைய பேர் குழம்புவதுண்டு. உங்கள் குழப்பம் தீர இந்தக் கட்டுரையைப் படியுங்கள்.

நாம் சாப்பிடும்போது எந்த உணவுப்பொருளாக இருந்தாலும் சரி. நல்லா மென்று தின்ன வேண்டும். ஏனென்றால் அப்போது தான் நமக்கு உணவுப்பொருளானது வாயில் நல்லா அரைத்து சாப்பிட்டதும் கூழ் போன்று நம் வயிற்றை அடையும். அங்கு இது போன்ற உணவு என்றால் எளிதில் ஜீரணமாகி விடும். நம் உடலுக்கும் தேவையான ஆற்றல் கிடைத்து விடும்.

அதே நேரம் துரிதகதியில் அவசரம் அவசரமாக நாம் மெல்லாமல் சாப்பிடும் உணவுகளால் தான் அஜீரணக்கோளாறுகள் ஏற்படுகின்றன என்பதை மறந்து விடக்கூடாது. நொறுங்கத் தின்றால் 100 வயது வரை வாழலாம் என்பதன் அர்த்தமே இதுதான். அதற்காக முறுக்கு, காரச்சேவு, மிக்சர், லட்டு, கடலை மிட்டாய், பர்பி போன்ற பொருள்களை நொறுக்கி சாப்பிடச் சொல்லவில்லை.

சரி. மேட்டருக்கு வருவோம். சாப்பிடும்போது நாம் தண்ணீர் குடிக்க வேண்டுமா? வேண்டாமா என்ற சந்தேகம் தான் நமக்கு தீர வேண்டும். இல்லையா?

பொதுவாக நாம் சாப்பிடுவதற்கு அரை மணி நேரத்திற்கு முன்பும், சாப்பிடும் போதும், சாப்பிட்ட அரை மணி நேரத்திற்கு பிறகும் தண்ணீர் குடிக்கக்கூடாது. என்ன இது புதுக்கதை? இதெல்லாம் ரொம்ப ஓவர் என்று நீங்கள் சொல்வது கேட்கிறது.

இப்படி யாராலும் இருக்க முடியுமா என்பது சந்தேகம் தான். ஆனால் ரொம்பவே அவசரம் மிளகாயைக் கடித்து விட்டேன் இல்லாவிட்டால் குழம்பு ரொம்ப காரமாக உள்ளது என்றால் அப்போது தண்ணீரைக் கொஞ்சமாகக் குடித்துக் கொள்ளலாம்.

ஆனால் மேற்கண்ட விதியைத் தான் நமது உடல் விரும்புகிறது. ஏனென்றால், பசி எடுக்கும் போதுதான் உடலில் பல்வேறு வேதியியல் மாற்றங்கள் நிகழ்கின்றன.

அதாவது, பசி எடுக்கும் போது உணவை செரிமானம் செய்ய வயிற்றில் உள்ள ஹைட்ரோ குளோரிக் அமிலம் அடர் அமிலமாக இருக்கும்.

சாப்பிடும் முன் தண்ணீர் குடித்தால் அந்த அமிலம் தன் தன்மையிலிருந்து நீர்த்து போய் வீரியம் குறைந்து விடும். இதனால் உணவானது எளிதில் சீரணமாகாமல் இருக்கும்.

அதனால் தான் சாப்பிடும் முன் தண்ணீர் குடிக்கக் கூடாது என்கின்றனர். சாப்பிடும் முன் தண்ணீர் குடித்தால் செரிமான அமிலம் நீர்த்துப் போய் விடும். அதனால் முழுமையான செரிமானம் நடக்காது.

அதனால் பெருமளவில் நல்ல கொழுப்புகள் உருவாகாமல் போய் விடும். அதற்குப் பதிலாக கெட்ட கொழுப்புகள் உருவாகி விடும். சர்க்கரை வியாதி போன்றவை வரக் காரணமே இந்தக் கெட்ட கொழுப்புகள் தான்.

அதைப்போன்று சாப்பிடும் முன்பும், சாப்பிட்ட பிறகும், அரை மணி நேரமாக தண்ணீர் குடிக்காமல் இருந்தால் தான் நல்லது. அப்படி இருந்தால் சாப்பிட்ட உணவு முழுமையாக சீரணமாகும். நல்ல கொழுப்புகளும் உருவாகும்.

Continue Reading

Entertainment

உங்க வீட்டு சுட்டீஸ்களுக்கு சூப்பரான சுவீட்

Published

on

குழந்தைகள் இனிப்பு மிட்டாய் என்றால் விரும்பி சாப்பிடுவார்கள். அதிலும் லட்டு, ஜிலேபி எல்லாவற்றையும் விட அவர்களுக்கு பிடித்தமான உணவு கமர்கட், தேன் மிட்டாய், கடலை உருண்டை, குச்சி மிட்டாய், பால்கோவா இவைகள் தான்.

நாம் காண இருப்பது உங்கள் வீட்டிலேயே எளிய முறையில் செய்யக்கூடிய பால்கோவா. இதை எப்படி செய்வது என்று பார்க்கலாமா?

என்னென்ன பொருள்கள்

பொட்டுக்கடலை – 1 கப்
சர்க்கரை – 1 கப்
ஏலக்காய் – 2
நெய் – அரை கப்

எப்படி செய்வது?

பொட்டுக்கடலை, சர்க்கரை, ஏலக்காய் ஆகியவற்றை ஒரு மிக்சியில் போட்டு நல்லா அரைச்சிக்கோங்க. இதை தனியாக வைத்து விடுங்க. அடுப்பைப் பற்ற வைங்க. ஒரு வாணலியை வைத்து அதில் அரை கப் அளவு நெய் ஊற்றுங்க. அது உருகியதும் அடுப்பை அணைத்து விடுங்க. இப்போது நெய் மிதமான சூட்டுக்கு ஆறியதும் மிக்சியில் அரைத்த மாவை அதில் போட்டு நல்லா கிளறி விடுங்க.

நெய்யில் உள்ள சூட்டிலேயே சர்க்கரை கரைந்து பால்கோவா கெட்டியாக நமக்கு கிடைக்கும்.

இப்படி நெய்யில் அரைத்த மாவை சேர்க்கும்போது ரொம்பவே இளகிய நிலையில் இருந்தால் கவலை வேண்டாம். கொஞ்ம் பொட்டுக்கடலை மாவை சேர்த்து கலந்தால் போதும். கெட்டியான பதத்திற்கு வந்து விடும்.

இதை ஒரு தட்டில் வைத்து சதுரம் சதுரமாக கட் பண்ணி எடுத்துக்கோங்க. அவ்ளோ தான் கடையில் விற்கும் பால்கோவா இப்போது உங்கள் வீட்டில்…!
உங்கள் வீட்டு சுட்டிக்குழந்தைகளுக்கு கொடுங்க. அவங்க ஜாலியா சாப்பிடுவாங்க. அவங்க சந்தோஷம் தானே நமக்கு முக்கியம்..!

Continue Reading

Entertainment

காய்கறி சூப் செய்வது எப்படின்னு தெரியுமா?

Published

on

நாம் அசைவத்தில் உள்ள சத்துக்களுக்கு இணையான சத்துக்கள் சைவத்திலும் உண்டு என படித்திருக்கிறோம். உதாரணத்திற்கு அசைவத்தில ஆட்டுக்கால், மாட்டுக்கால் மாட்டுவால் சூப் குடித்திருப்போம். அதனால் சளிக்கு நல்லது.

எலும்புகளுக்கு உறுதி என படித்தும் இருப்போம். அதற்கு இணையான சத்து சைவத்தில் காய்கறி சூப்பில் உள்ளது. குழந்தைகள் முதல் பெரியவர்கள் வரை அனைவரும் குடிக்கலாம்.

இனி எப்படி செய்வது என்று பார்க்கலாம்.

என்னென்ன பொருள்கள்?

வெங்காயம் – 1
கேரட் -1
பீன்ஸ் – 3
பச்சைப்பட்டாணி – கால் கப்
சோள மாவு – ஒன்றரை மேசைக்கரண்டி
இஞ்சி – 1 துண்டு
பூண்டு பல் – 15
மிளகு தூள் – 1 தேக்கரண்டி
மல்லித்தழை, உப்பு – தேவைக்கேற்ப

எப்படி செய்வது?

முதலில் ஒன்றரை மேசைக்கரண்டி சோளமாவை தண்ணீரில் சேர்த்து கட்டிகள் இல்லாமல் கரைத்து வைங்க. இஞ்சி, பூண்டு பற்களை பரபரவென இடித்து வைங்க.

அப்புறம் அடுப்பைப் பற்ற வைங்க. அதில் ஒரு பாத்திரத்தை வைங்க. இப்போது வெண்ணை சேர்த்து நல்லா உருக்குங்க. இதில் நறுக்கிய இஞ்சி, பூண்டு விழுதை சேர்த்து பச்சை வாசத்தை நீக்க நல்லா வதக்குங்க.

பின்னர் அதனுடன் பொடிப்பொடியாக நறுக்கிய வெங்காயத்தை சேர்த்து வதக்குங்க. கடைசியாக கேரட், பீன்ஸ், பச்சை பட்டாணி ஆகியவற்றை சேர்த்து நல்லா வதக்குங்க.

அவை நல்லா வெந்ததும், 4 கப் அளவு தண்ணீர் ஊற்றுங்க. அதனுடன் கொஞ்சம் உப்பு போடுங்க. இப்பவும் நல்லா கொதிக்க வைங்க. 20 நிமிடம் வரை கொதிக்க வைங்க.

நல்லா கெட்டியான பதத்திற்கு வந்ததும் ஒரு தேக்கரண்டி அளவு மிளகுத்தூளை சேருங்க. கடைசியா அடுப்பை அணைத்து விடுங்க. இப்போது சூடான காய்கறி சூப் ரெடி..!

Continue Reading

Entertainment

கழுத்து வலியா…பயப்படாதீங்க…ஈசியா போக்கலாம்…!

Published

on

நாம் தினசரி 8 மணி நேரம் வேலை செய்கிறோம். அதிலும் நாற்காலியில் அமர்ந்து கணினி இயக்கும் வேலையைப் பார்ப்பவர்களுக்கு சொல்லவே வேண்டாம். அங்க புடிச்சுக்கிட்டு…இங்க புடிச்சுகக்கிட்டு…கழுத்து வலிக்குது…தோள்பட்டை வலிக்குது…ன்னு வலியால் புலம்ப ஆரம்பித்து விடுவர்.

இதற்கு காரணம் சேர்ல தான் உட்காருகிறோமே…எப்படி இருந்தால் என்ன? என்று அசால்ட்டாக அங்கும் இங்கும் ஸ்டைலாக சாய்ந்து உட்கார்ந்து கொண்டு வேலை பார்ப்பது தான். வேலையின் கவனத்தில் முக்கால்வாசி பேர் கழுத்தை ஒழுங்காக வைப்பதில்லை. ஒரு சைடாக சாய்த்து வைத்துக் கொள்கின்றனர்.

அதே போல் நீண்ட நேரம் அமர்ந்து கொண்டே வேலை செய்யக்கூடாது. இடையிடையே எழுந்து நடந்து சென்று ரிலாக்ஸ் ஆகிக் கொண்டு மீண்டும் வேலை பார்க்கலாம்.

முதுகை நேராக வைக்காமல், கழுத்தை நேராக வைக்காமல் வேலை செய்யும்போது தான் கழுத்துப்பிடிப்பு, தசைப்பிடிப்பு ஆகியவை ஏற்படுகின்றன. தலை நேராக இருக்கும்போது கழுத்தில் அதிகமாக அழுத்தம் இருக்காது. தலையை சாய்த்து இருக்கும்போது தலையின் எடையை கழுத்து தாங்கிக் கொள்ள சிரமப்படும். அதாவது 20 கிலோ வரை அது சுமக்க வேண்டும். நேராக இருந்தால் வெறும் 4 கிலோ சுமந்தால் போதும்.

இதிலிருந்து மீள என்ன தான் வழி?

கணினி பயன்படுத்துபவர்கள் கண் எதிரே மானிட்டர் இருக்குமாறு பார்த்துக் கொள்ளுங்கள். முக்கியமாக நாற்காலியிலோ, தரையிலோ உட்காரும்போது முதுகுத்தண்டுவடமும், கழுத்தும் நேராக இருக்குமாறு பார்த்துக் கொள்ளுங்கள். நீண்ட நேரம் தலையை கீழ்நோக்கி பார்க்காதீர்கள். தசைகளின் இறுக்கத்தைக் குறைக்க சிறு சிறு உடற்பயிற்சிகள் செய்யலாம்.

கழுத்தில் உள்ள சுளுக்குகள் போக வேண்டும் எனில் தலையை 360 டிகிரிக்கு வட்டமாக மார்பை ஒட்டியும் இடமிருந்து வலமாக, வலமிருந்து இடமாக என தலா 3 முறை சுற்ற வேண்டும். அப்போது நமது கழுத்தில் உள்ள சுளுக்குகள் ஒவ்வொன்றாக விடுபடுவதை நாமே உணரலாம்.

கழுத்துத் தசைகளானது காய்ந்து போகாமல் அவ்வப்போது ஈரப்படுத்துங்கள். இறுக்கமான கழுத்திற்கு தண்ணீரைக் கொண்டு கழுவும்போது தளர்வடைந்து விடும். அதன்பிறகு புத்துணர்ச்சியை அனுபவிக்கலாம்.

கழுத்துப்பகுதியில் உள்ள மென்திசுக்கள் புற ஊதாக்கதிர்களினால் பாதிக்கப்படும். அதனால் சன்ஸ்கரீன் தடவலாம். இதனால் கழுத்துப்பகுதியில் சுருக்கங்கள் உண்டாவதையும் தவிர்க்கலாம்.

இரவு படுக்கைக்குச் செல்லும் முன்பு கழுத்துப்பகுதியைச் சுற்றிலும் சுத்தப்படுத்துங்கள். இதைத் தினமும் செய்து வந்தால் நல்லா தூக்கம் வரும். வயதான போது தோல் சுருக்கமும் எளிதில் வருவதில்லை. கழுத்தை அவ்வப்போது சுத்தப்படுத்தி குளிர்ச்சிப்படுத்தினால் மூளையானது சுறுசுறுப்பாக செயல்படும் என்பது அறிவியல் உண்மை.

 

Continue Reading

Trending