Connect with us

Home

ஒழுங்கான மாதவிடாய்க்கு உகந்த மருந்து இதுதான்…!

Published

on

பலர் மாதவிடாய் பிரச்சனையால் அவதிப்படுவர். ஒரு சிலருக்கு மாதவிடாய் ஒரே சீராக இல்லாமல் தள்ளிப்போவதுண்டு. இந்த பிரச்சனை தீர என்ன வழி என எண்ணி மருந்தகங்களில் சென்று மாத்திரை வாங்கி வயிற்றுவலியால் அவதிப்படுபவர்களும் உண்டு. இத்தகைய பிரச்சனை தீர எளிய வழி இதுதான். புதினா தான் இதற்கு தீர்வு தரும் அருமருந்து.

புதினா வாசனை மிக்க உணவு.

புதினா துவையல் செரிமானத்தை தூண்டுகிறது.

புதினாவில் புரதம், கொழுப்பு, கார்போஒஹைட்ரேட், நார்ச்சத்து, உலோகச்சத்து. கால்சியம், இரும்பு, பாஸ்பரஸ், வைட்டமின் ஏ, நிக்கோட்டினிக் ஆசிட், ரைபோ மினெவின் தயாமின் போன்ற சத்துகளும் அடங்கியுள்ளது. இதை எப்படி எடுத்துகொண்டாலும் இதன் குணங்கள் மாறாது என்பதோடு இதை எப்படி உணவில் சேர்த்தாலும் சுவை அதிகரிக்க கூடும்.

கர்ப்பகால வாந்தியை தவிர்க்கவோ தடுக்கவோ முடியாது. ஆனால் இதை கட்டுப்படுத்த புதினா வைத்தியம் சிறந்ததாக இருக்கும்.
எப்படி செய்வது?

புதினா இலையை சுத்தம் செய்து உரலில் இட்டு இடித்து அதன் சாறை பிழிந்து எடுக்க வேண்டும். இதை வடிகட்டி ஒரு பெரிய டம்ளரில் எடுத்து அதனுடன் நாட்டுமருந்து கடையில் கிடைக்கும் சீமைக்காடி அல்லது ஒரு டம்ளர் நீர் சேர்த்து இந்த திரவத்தில் 3 மடங்கு சர்க்கரை கலந்து அடுப்பில் மிதமான தீயில் வைத்து காய்ச்ச வேண்டும். பாகு பதம் வரும் போது காய்ச்சி இறக்கி கண்ணாடி பாட்டிலில் சேமித்து வைக்க வேண்டும்.

கர்ப்பகாலத்தில் வாந்தி வரும்போது 1 டீஸ்பூன் அளவு அப்படியே வாயில் போட்டு அடக்கி சிறிது சிறிதாக உமிழ்நீரோடு கலந்து விழுங்க வேண்டும். இப்படி செய்தால் வாந்தி உணர்வு இருக்காது. கர்ப்பிணிகளுக்கு மட்டும் இல்லாமல் வாந்தி வரும் அனைவருமே இதை சாப்பிடலாம்.

வயிற்றுப்போக்கு காலத்தில் புதினாவை கைவைத்தியமாக பயன்படுத்தலாம்.
எப்படி செய்வது?

பழுப்பு நிற இலைகளை நீக்கி ஃப்ரெஷ்ஷான புதினா இலைகளை எடுத்து சுத்தம் செய்து மண் சட்டியில் வதக்கவும். பிறகு ஒரு டம்ளர் நீர் விட்டு காய்ச்சவும். அது அரை டம்ளராக மாறும் வரை சுண்ட வைத்து இறக்கி வடிகட்டவும் இந்த நீரை ஆறவைத்து குழந்தைகளுக்கு காலை மாலை 5 டீஸ்பூன் அளவு கொடுத்து வந்தால் போதும். வயிற்றுப்போக்கு படிப்படியாக குறையும்.

பற்கள் எப்போதுமே பளிச் என்று இருக்க விரும்பினால் பராமரிப்பும் சீராக இருக்க வேண்டும். பொதுவாக வாய் துர்நாற்றத்துக்கு தான் புதினாவை சேர்ப்பார்கள். புதினா நீரில் வாய் கொப்புளிக்க செய்வது, புதினா கலந்த மவுத் வாஷ் பயன்படுத்துவதும் உண்டு. ஆனால் பற்களுக்கு புத்துணர்ச்சி தரக்கூடிய ஒன்றாக மட்டுமே புதினாவை எடுக்காமல் பல் கோளாறு வராமல் தடுக்க புதினா பொடியை பயன்படுத்தலாம்.

எப்படி செய்வது?

புதினா இலைகளை அலசி காயவைக்க வேண்டும். அவை நொறுங்கும் அளவு காய்ந்தது. அதை எடுத்து உரலில் அல்லது மிக்ஸியில் பொடிக்க வேண்டும். ஒன்றிரண்டாக பொடித்த புதினா தூளுடன் நான்கில் ஒரு பங்கு உப்பு சேர்த்து மீண்டும் இடித்து சல்லடையில் சலிக்க வேண்டும். தினமும் இந்த பொடியில் பல் தேய்த்து வந்தால் வாய் துர்நாற்றம் மட்டும் அல்லாமல் பல் சம்பந்தமான கோளாறுகள் எதுவுமே வராமல் தடுக்கலாம்.

குமட்டல் உணர்வு வராமல் புதினாவைக் கொண்டு தடுக்க முடியும்.

எப்படி செய்வது?

கைப்பிடி அளவு புதினாவை எடுத்து சிறு நெல்லி அளவு புளி சேர்த்து மிளகு 10 சேர்த்து அம்மியில் மைய அரைக்க வேண்டும். இதை மண்சட்டியில் சேர்த்து 1 டம்ளர் நீர் விட்டு காய்ச்சி அப்படியே அல்லது வடிகட்டி அதன் சாறை சிறிது சிறிதாக குடித்துவந்தால் குமட்டல் உணர்வு நிற்கும்.

மாதவிடாய் ஒழுங்கற்று இருந்தால் அதை உணவு மூலமாகவும் சரி செய்யலாம் என்பதற்கு உதாரணம் புதினா என்று சொல்லலாம். எப்படி இதை பயன்படுத்துவது ஒரு கிலோ அளவு பெரிய கட்டு கொண்ட புதினா இலையை வாங்கி சுத்தம் செய்து அதை வெயிலில் காயவைக்க வேண்டும்.

அவை நன்றாக காய்ந்து நிழலில் உலர்த்த வேண்டும். சருகு போல் ஆகும் வரை விட்டு பிறகு மிக்ஸியில் பொடித்து சல்லடையில் சன்னமாக சலித்துவைக்க வேண்டும். பிறகு அந்த பொடியை கண்ணாடி பாட்டிலில் அடைத்து வைக்க வேண்டும்.

தினமும் காலை மற்றும் இரவு நேரத்தில் 3/4 டீஸ்பூன் அளவு பொடியுடன் தேன் கலந்து குழைத்து சாப்பிட்டு வந்தால் தடைபட்ட மாதவிலக்கு சீராக வரக்கூடும். மாதவிடாய் காலத்தில் வரக்கூடிய உபாதைகளும் குறையும்.

Continue Reading

Home

நார்ச்சத்துள்ள உணவுகள் உடலில் என்ன செய்கிறது?

Published

on

நார்ச்சத்துள்ள உணவுகள் நம் உடலுக்கு இன்றியமையாத தேவை. இது ஏன் தேவை? எதற்கு தேவை? இதை நாம் எப்படி கண்டறிந்து சாப்பிட வேண்டும்? இதனால் நமக்கு அப்படி என்ன பலன் வந்து விடப்போகிறது என்று பல வகைகளில் நமக்கு சந்தேகங்கள் வரும்.

இது தப்பில்லை. வந்தும் அதை அறியாமல் இருப்பது தான் தப்பு. நமக்கு எல்லாமே தெரிந்து விடப்போவதில்லை. தெரியாத விஷயத்தை யாரிடம் தெரியுமோ அவர்களிடம் கேட்டுத் தெரிந்து கொண்டால் போதும். இந்த கட்டுரையைப் படியுங்கள். உங்களுக்கு நார்ச்சத்தின் அவசியம் தெரியும்.

நார்ச்சத்து அனைத்து வகைத் தாவரங்களிலும் காணப்படும். இது ஒரு ஊட்டச்சத்து. செரிமானத்தைத் துரிதப்படுத்துவது இந்த நார்ச்சத்து தான். கரைபவை, கரைய முடியாதவை என இருவகையான நார்ச்சத்துகள் உள்ளன.

மலச்சிக்கலை தடுப்பது இந்த நார்ச்சத்துதான். முழுக்கோதுமை பண்டங்கள், சோள உமி, சணல் விதைகளில் நார்ச்சத்துகள் மிக அதிகளவில் காணப்படுகிறது. அதே போல் மரக்கறிகள் மற்றும் பழங்களில் இந்த சத்துகள் நிறைந்துள்ளன.

கரையக்கூடிய நார்ச்சத்தானது இதயம், ரத்த ஓட்டத்தொகுதிக்கு மிகவும் நல்ல மருந்து. ரத்தத்தில் உள்ள கொழுப்பின் அளவைக் குறைக்கவும் சர்க்கரையின் அளவைக் கட்டுப்படுத்தவும் செய்கிறது. ஓட்ஸ், பிரான் மற்றும் ஓட்மீல், பார்லி, சீலியம் மற்றும் அவரை விதைகளில் நார்ச்சத்து அதிகளவில் காணப்படுகிறது. உடல் எடையைக் குறைக்கிறது.

ஸ்ட்ராபெர்ரி, புளுபெரி பழங்கள், பதப்படுத்தாத கோதுமை உமி, பான்கேக், மஃபின், வெள்ளை பிரட், வெள்ளை ஹம்பர்கர், மல்டி கிரெயின், முழு கோதுமை, ரை, பார்லி, ஓட்ஸ் ஆகியவற்றில் நார்ச்சத்துகள் உள்ளன.

செர்ரி, திராட்சை, முலாம்பழம், தர்பூசணி ஆகியவற்றில் குறைந்தளவு நார்ச்சத்துகள் உள்ளன.

ஆப்பிள், அன்னாசி, வாழைப்பழங்களில் நடுத்தர அளவுள்ள நார்ச்சத்துக்கள் உள்ளன. மாம்பழம், புளுபெரி, ராஸ் பெரி, ஸ்ட்ராபெரி, அப்ரிக்கொட் பழம், அத்திப்பழம், ரெய்சின்ஸ் ப்ரூட் ஆகியவற்றில் அதிகளவிலான நார்ச்சத்துகள் உள்ளன.

அதேபோல், வெங்காயம், வெள்ளரிக்காய், காளான், தக்காளி, செலரி, காலிப்ளவர், தோலுரித்து மசிக்கப்பட்ட உருளைக்கிழங்கு, அஜ்பரகஸ், ஸ்குவாஷ் ஆகியவற்றில் குறைந்த அளவிலான நார்ச்சத்துகளும், முழு சோளம், தோலுரிக்கப்படாத இனிப்புக் கிழங்கு, பச்சை கேரட், கத்தரிக்காய், புரொக்கோலி, முளைகட்டிய பீன்ஸ் ஆகியவற்றில் நடுத்தரமான நார்ச்சத்துகளும், பச்சைப்பட்டாணி, லெகுமிஸ், வறுக்கப்பட்ட சோளம் ஆகியவற்றில் மிக அதிகளவில் நார்ச்சத்துகளும் உள்ளன. இவற்றைத் தேர்ந்து எடுத்து தினமும் உங்கள் அன்றாட உணவில் சேர்த்து சாப்பிட்டு வாருங்கள். இதன் பலனை நீங்கள் அனுபவித்து விடுவீர்கள். அப்புறம் உங்கள் உடல் நலனில் அக்கறை செலுத்த ஆரம்பித்து விடுவீர்கள்.

Continue Reading

Home

தாம்பத்தியம் சிறக்க இதை உடனே சாப்பிடுங்க…!

Published

on

இல்லற வாழ்க்கைக்கு பலம் தரும் பொருள் ஒன்று உள்ளது. இன்றைய நவநாகரீக உலகில் எல்லோருமே எந்திர மனிதர்களாக மாறிவிட்டனர். காலையிலிருந்து இரவு வரை ஒரே ஓட்டமாகத்தான் உள்ளது அவர்களது வாழ்க்கையில்…!அதற்கேற்ப போக்குவரத்தும் பெருகி விட்டது.

நம் முன்னோர்கள் இதைத்தான் சாப்பிட்டு தங்கள் இல்வாழ்க்கையை வெற்றிகரமாக நடத்தியுள்ளனர். அவர்களது வாழ்வும் வளமும் சிறந்ததாக அமைந்தது. உடல் ஆரோக்கியத்துக்கு மனமும் நலமாக இருக்க வேண்டும். அதுதான் முழு ஆரோக்கியம்.

இதற்கு கடுக்காய் உறுதுணையாக இருக்கும். அப்படி என்னதான் கடுக்காயில் உள்ளது என்று கேட்பவர்கள் தொடர்ந்து படியுங்கள்.

கடுக்காய் பொடி நாட்டு மருந்து கடைகளில் கிடைக்கும். உடலுக்கு தேவையான இனிப்பு, கசப்பு, புளிப்பு, துவர்ப்பு, உவர்ப்பு, கார்ப்பு ஆகிய அறுசுவைகளில் நாம் குறைவாக சாப்பிடும் சுவை எது என்றால் அது உங்களுக்கேத் தெரியும். துவர்ப்பு தான்.

உணவுகளில் வாழைப்பூவில் மட்டும் தான் இந்த சுவை உள்ளது. ரத்தத்தை சுத்திகரிக்க இந்த சுவை தான் உதவுகிறது. அப்படி பார்க்கும்போது கடுக்காய் துவர்ப்பு சுவையைக் கொண்டுள்ளது.

தினமும் காலை அல்லது இரவு நேரங்களில் சாப்பிட்டு முடிந்த உடன் இந்த பொடியை வெந்நீரில் அல்லது தேனில் கலந்து சாப்பிட்டால் போதும். விந்தணுக்களில் குறைபாடு இருந்தால் கடுக்காயை சாப்பிட்டால் உடனடி பலன் கிடைக்கும்.

கடுக்காயில் கல்பம் செய்து சாப்பிட்டால் தாம்பத்யம் சிறக்கும். விந்தணுக்களின் உற்பத்தியை அதிகரிக்க கடுக்காயைக் கொண்டு இதை செய்து சாப்பிட்டால் போதும்.

கடுக்காயில் பல வகைகள் உள்ளன. அதில் செங்கடுக்காயானது ஒருவித மஞ்சள் நிறத்தில் இருக்கும். அதை நல்லா அலசி பசும்பாலில் வேக விடுங்க. கடுக்காய் வெந்ததும் அதை எடுத்து பாலை வடிகட்டி வெயிலில் கடுக்காயை காய வைத்து மிக்சியில் நல்லா அரைத்து விடுங்க. கடுக்காய் விதை உடலுக்கு நஞ்சு என்பார்கள்.

யாரும் பயந்து விட வேண்டாம். பாலை நன்றாக வேக வைக்கும்போது அதன் நச்சு போய்விடும். இந்தப் பொடியை இரவு உணவுக்கு பின் ஆண்களுக்கு பாலில் ஒரு டீஸ்பூன் கலந்து கொடுத்தால் போதும். விந்தணுக்களின் உற்பத்தியை அதிகரிக்கச் செய்து விடும்.

இல்லற வாழ்க்கை நல்லறமாக மாறிவிடும். தாம்பத்தியத்தில் எந்த தடையும் வராது. இதனால் குழந்தைப்பேறுக்கான பாக்கியமும் உண்டு. ஆண், பெண் இருவரும் குடித்து வரலாம்.

Continue Reading

Entertainment

உங்க வீட்டு சுட்டீஸ்களுக்கு சூப்பரான சுவீட்

Published

on

குழந்தைகள் இனிப்பு மிட்டாய் என்றால் விரும்பி சாப்பிடுவார்கள். அதிலும் லட்டு, ஜிலேபி எல்லாவற்றையும் விட அவர்களுக்கு பிடித்தமான உணவு கமர்கட், தேன் மிட்டாய், கடலை உருண்டை, குச்சி மிட்டாய், பால்கோவா இவைகள் தான்.

நாம் காண இருப்பது உங்கள் வீட்டிலேயே எளிய முறையில் செய்யக்கூடிய பால்கோவா. இதை எப்படி செய்வது என்று பார்க்கலாமா?

என்னென்ன பொருள்கள்

பொட்டுக்கடலை – 1 கப்
சர்க்கரை – 1 கப்
ஏலக்காய் – 2
நெய் – அரை கப்

எப்படி செய்வது?

பொட்டுக்கடலை, சர்க்கரை, ஏலக்காய் ஆகியவற்றை ஒரு மிக்சியில் போட்டு நல்லா அரைச்சிக்கோங்க. இதை தனியாக வைத்து விடுங்க. அடுப்பைப் பற்ற வைங்க. ஒரு வாணலியை வைத்து அதில் அரை கப் அளவு நெய் ஊற்றுங்க. அது உருகியதும் அடுப்பை அணைத்து விடுங்க. இப்போது நெய் மிதமான சூட்டுக்கு ஆறியதும் மிக்சியில் அரைத்த மாவை அதில் போட்டு நல்லா கிளறி விடுங்க.

நெய்யில் உள்ள சூட்டிலேயே சர்க்கரை கரைந்து பால்கோவா கெட்டியாக நமக்கு கிடைக்கும்.

இப்படி நெய்யில் அரைத்த மாவை சேர்க்கும்போது ரொம்பவே இளகிய நிலையில் இருந்தால் கவலை வேண்டாம். கொஞ்ம் பொட்டுக்கடலை மாவை சேர்த்து கலந்தால் போதும். கெட்டியான பதத்திற்கு வந்து விடும்.

இதை ஒரு தட்டில் வைத்து சதுரம் சதுரமாக கட் பண்ணி எடுத்துக்கோங்க. அவ்ளோ தான் கடையில் விற்கும் பால்கோவா இப்போது உங்கள் வீட்டில்…!
உங்கள் வீட்டு சுட்டிக்குழந்தைகளுக்கு கொடுங்க. அவங்க ஜாலியா சாப்பிடுவாங்க. அவங்க சந்தோஷம் தானே நமக்கு முக்கியம்..!

Continue Reading

Trending