Connect with us

Home

இட்லி உருளைக்கிழங்கு வடை செய்வது எப்படி?

Published

on

வீட்டில் ஏதாவது உணவுப்பொருள்கள் வீணாகிக் கொண்டே இருக்கிறது என்றால் அது நம் தவறு தான். உணவுப்பொருள்களை முடிந்த அளவு வீணாக்கக் கூடாது. எத்தனையோ பேர் பசியால் வாடுகின்றனர். தினமும் ஒரு வேளை உணவு மட்டும் சாப்பிடுபவர்களும் இருக்கத்தான் செய்கிறார்கள்.

அவர்களது நிலைமையை எண்ணிப்பாருங்கள். நமக்கு எல்லாம் அதிகமாக உள்ளது என்று தேவைக்கேற்ப செய்யாமல் அதிகமாக செய்வதால் தான் உணவுகள் மீந்து விடுகின்றன. எப்போதும் தேவையை அறிந்து செய்தால் இந்த பிரச்சனை இல்லை.

இப்போது இட்லி மீந்து போனால் அதை மறுசுழற்சி முறையில் என்ன செய்யலாம் என்று பார்க்கலாம்.
இட்லி மீதியாகி நிறைய வீணாகிறதா? கவலையை விடுங்கள். இதையே நீங்கள் புதுவகையான மொறு மொறு ஸ்நாக்ஸ் ஆகத் தயாரிக்கலாம்.

அதுதான் இட்லி மற்றும் உருளைக்கிழங்கு வடை செய்யலாம். எப்படி என்று பார்ப்போமா?

என்னென்ன பொருள்கள்

இட்லி -2
வேக வைத்த உருளைக்கிழங்கு – 1 (துருவியது)
பெரிய வெங்காயம் – 1 (பொடியாக நறுக்கியது)
சீரகம் – சிறிதளவு
அரிசி மாவு – 3 ஸ்பூன்
உப்பு – தேவையான அளவு
மிளகாய் தூள் – 1/2 ஸ்பூன்
கொத்தமல்லி – சிறிதளவு
பிரட் – 2 (மிக்ஸி ஜாரில் அரைத்தது)
எண்ணெய் – தேவையான அளவு

எப்படி செய்வது?

முதலில் ஒரு கிண்ணத்தை எடுத்துக் கொள்ள வேண்டும். பின்னர் வேக வைத்த ஒரு உருளைக்கிழங்கை எடுத்து துருவி எடுத்துக் கொள்ள வேண்டும்.

அதே கிண்ணத்தில் 2 இட்லியை நன்றாக உதிர்த்து விட்டு கொள்ள வேண்டும். இட்லியை உதிர்த்து விடும் முன்னர் தண்ணீரில் 1 நிமிடம் இட்லியை ஊறவைத்துக் கொண்டால் இட்லியானது நன்கு உதிரியாக வரும்.

உதிர்த்து விட்ட இட்லியை சேர்த்த பிறகு நறுக்கிய பெரிய வெங்காயத்தை சேர்க்க வேண்டும். பின்னர் சீரகம், 3 ஸ்பூன் அரிசி மாவு, தேவையான அளவு உப்பு, மிளகாய்தூள் அரை ஸ்பூன், மிளகாய் தூள் தேவையான அளவு, கொத்தமல்லி ஆகியவற்றை சிறிது சேர்க்க வேண்டும்.

இப்போது எல்லாவற்றையும் சேர்த்த பிறகு கிண்ணத்தில் உள்ளதை தண்ணீரில் சேர்க்காமல் நன்றாக பிசைந்து எடுத்துக் கொள்ள வேண்டும். கையில் மாவு ஒட்டாமல் இருக்க சிறிது எண்ணெயை கையில் தேய்த்துக் கொள்ள வேண்டும்.

மாவை உருண்டை வடிவில் உருட்டி நன்றாக தட்டி உளுந்து வடை போல நடுவில் சிறிய ஓட்டை போட வேண்டும். மிக்ஸி ஜாரில் 2 பிரெட் துண்டுகளை போட்டு அரைத்துக் கொள்ள வேண்டும்.

ஏற்கனவே தயார் செய்து வைத்திருந்த உருண்டைகளை இந்த பிரெட் தூளில் புரட்டி எடுக்க வேண்டும். இப்போது வாணலியை எடுத்து தேவையான அளவு எண்ணெயை ஊற்றி அடுப்பை பற்ற வையுங்கள்.

எண்ணெய் நன்றாக காய்ந்த பிறகு பிரெட் தூளில் புரட்டி எடுத்த வடையை எண்ணெயில் பேட்டு எடுங்கள். மிதமான ஹீட்டில் அடுப்பை வைக்க வேண்டியது அவசியம்.

இருபுறமும் வடையை திருப்பிப் போட்டு எடுங்கள். நன்றாக பொன்னிறத்திற்கு வெந்ததும் வடையை எடுத்து விடுங்கள். இப்போது சூடான சுவையான ஸ்நாக்ஸ் தயார்..!

Continue Reading

Home

நார்ச்சத்துள்ள உணவுகள் உடலில் என்ன செய்கிறது?

Published

on

நார்ச்சத்துள்ள உணவுகள் நம் உடலுக்கு இன்றியமையாத தேவை. இது ஏன் தேவை? எதற்கு தேவை? இதை நாம் எப்படி கண்டறிந்து சாப்பிட வேண்டும்? இதனால் நமக்கு அப்படி என்ன பலன் வந்து விடப்போகிறது என்று பல வகைகளில் நமக்கு சந்தேகங்கள் வரும்.

இது தப்பில்லை. வந்தும் அதை அறியாமல் இருப்பது தான் தப்பு. நமக்கு எல்லாமே தெரிந்து விடப்போவதில்லை. தெரியாத விஷயத்தை யாரிடம் தெரியுமோ அவர்களிடம் கேட்டுத் தெரிந்து கொண்டால் போதும். இந்த கட்டுரையைப் படியுங்கள். உங்களுக்கு நார்ச்சத்தின் அவசியம் தெரியும்.

நார்ச்சத்து அனைத்து வகைத் தாவரங்களிலும் காணப்படும். இது ஒரு ஊட்டச்சத்து. செரிமானத்தைத் துரிதப்படுத்துவது இந்த நார்ச்சத்து தான். கரைபவை, கரைய முடியாதவை என இருவகையான நார்ச்சத்துகள் உள்ளன.

மலச்சிக்கலை தடுப்பது இந்த நார்ச்சத்துதான். முழுக்கோதுமை பண்டங்கள், சோள உமி, சணல் விதைகளில் நார்ச்சத்துகள் மிக அதிகளவில் காணப்படுகிறது. அதே போல் மரக்கறிகள் மற்றும் பழங்களில் இந்த சத்துகள் நிறைந்துள்ளன.

கரையக்கூடிய நார்ச்சத்தானது இதயம், ரத்த ஓட்டத்தொகுதிக்கு மிகவும் நல்ல மருந்து. ரத்தத்தில் உள்ள கொழுப்பின் அளவைக் குறைக்கவும் சர்க்கரையின் அளவைக் கட்டுப்படுத்தவும் செய்கிறது. ஓட்ஸ், பிரான் மற்றும் ஓட்மீல், பார்லி, சீலியம் மற்றும் அவரை விதைகளில் நார்ச்சத்து அதிகளவில் காணப்படுகிறது. உடல் எடையைக் குறைக்கிறது.

ஸ்ட்ராபெர்ரி, புளுபெரி பழங்கள், பதப்படுத்தாத கோதுமை உமி, பான்கேக், மஃபின், வெள்ளை பிரட், வெள்ளை ஹம்பர்கர், மல்டி கிரெயின், முழு கோதுமை, ரை, பார்லி, ஓட்ஸ் ஆகியவற்றில் நார்ச்சத்துகள் உள்ளன.

செர்ரி, திராட்சை, முலாம்பழம், தர்பூசணி ஆகியவற்றில் குறைந்தளவு நார்ச்சத்துகள் உள்ளன.

ஆப்பிள், அன்னாசி, வாழைப்பழங்களில் நடுத்தர அளவுள்ள நார்ச்சத்துக்கள் உள்ளன. மாம்பழம், புளுபெரி, ராஸ் பெரி, ஸ்ட்ராபெரி, அப்ரிக்கொட் பழம், அத்திப்பழம், ரெய்சின்ஸ் ப்ரூட் ஆகியவற்றில் அதிகளவிலான நார்ச்சத்துகள் உள்ளன.

அதேபோல், வெங்காயம், வெள்ளரிக்காய், காளான், தக்காளி, செலரி, காலிப்ளவர், தோலுரித்து மசிக்கப்பட்ட உருளைக்கிழங்கு, அஜ்பரகஸ், ஸ்குவாஷ் ஆகியவற்றில் குறைந்த அளவிலான நார்ச்சத்துகளும், முழு சோளம், தோலுரிக்கப்படாத இனிப்புக் கிழங்கு, பச்சை கேரட், கத்தரிக்காய், புரொக்கோலி, முளைகட்டிய பீன்ஸ் ஆகியவற்றில் நடுத்தரமான நார்ச்சத்துகளும், பச்சைப்பட்டாணி, லெகுமிஸ், வறுக்கப்பட்ட சோளம் ஆகியவற்றில் மிக அதிகளவில் நார்ச்சத்துகளும் உள்ளன. இவற்றைத் தேர்ந்து எடுத்து தினமும் உங்கள் அன்றாட உணவில் சேர்த்து சாப்பிட்டு வாருங்கள். இதன் பலனை நீங்கள் அனுபவித்து விடுவீர்கள். அப்புறம் உங்கள் உடல் நலனில் அக்கறை செலுத்த ஆரம்பித்து விடுவீர்கள்.

Continue Reading

Home

தாம்பத்தியம் சிறக்க இதை உடனே சாப்பிடுங்க…!

Published

on

இல்லற வாழ்க்கைக்கு பலம் தரும் பொருள் ஒன்று உள்ளது. இன்றைய நவநாகரீக உலகில் எல்லோருமே எந்திர மனிதர்களாக மாறிவிட்டனர். காலையிலிருந்து இரவு வரை ஒரே ஓட்டமாகத்தான் உள்ளது அவர்களது வாழ்க்கையில்…!அதற்கேற்ப போக்குவரத்தும் பெருகி விட்டது.

நம் முன்னோர்கள் இதைத்தான் சாப்பிட்டு தங்கள் இல்வாழ்க்கையை வெற்றிகரமாக நடத்தியுள்ளனர். அவர்களது வாழ்வும் வளமும் சிறந்ததாக அமைந்தது. உடல் ஆரோக்கியத்துக்கு மனமும் நலமாக இருக்க வேண்டும். அதுதான் முழு ஆரோக்கியம்.

இதற்கு கடுக்காய் உறுதுணையாக இருக்கும். அப்படி என்னதான் கடுக்காயில் உள்ளது என்று கேட்பவர்கள் தொடர்ந்து படியுங்கள்.

கடுக்காய் பொடி நாட்டு மருந்து கடைகளில் கிடைக்கும். உடலுக்கு தேவையான இனிப்பு, கசப்பு, புளிப்பு, துவர்ப்பு, உவர்ப்பு, கார்ப்பு ஆகிய அறுசுவைகளில் நாம் குறைவாக சாப்பிடும் சுவை எது என்றால் அது உங்களுக்கேத் தெரியும். துவர்ப்பு தான்.

உணவுகளில் வாழைப்பூவில் மட்டும் தான் இந்த சுவை உள்ளது. ரத்தத்தை சுத்திகரிக்க இந்த சுவை தான் உதவுகிறது. அப்படி பார்க்கும்போது கடுக்காய் துவர்ப்பு சுவையைக் கொண்டுள்ளது.

தினமும் காலை அல்லது இரவு நேரங்களில் சாப்பிட்டு முடிந்த உடன் இந்த பொடியை வெந்நீரில் அல்லது தேனில் கலந்து சாப்பிட்டால் போதும். விந்தணுக்களில் குறைபாடு இருந்தால் கடுக்காயை சாப்பிட்டால் உடனடி பலன் கிடைக்கும்.

கடுக்காயில் கல்பம் செய்து சாப்பிட்டால் தாம்பத்யம் சிறக்கும். விந்தணுக்களின் உற்பத்தியை அதிகரிக்க கடுக்காயைக் கொண்டு இதை செய்து சாப்பிட்டால் போதும்.

கடுக்காயில் பல வகைகள் உள்ளன. அதில் செங்கடுக்காயானது ஒருவித மஞ்சள் நிறத்தில் இருக்கும். அதை நல்லா அலசி பசும்பாலில் வேக விடுங்க. கடுக்காய் வெந்ததும் அதை எடுத்து பாலை வடிகட்டி வெயிலில் கடுக்காயை காய வைத்து மிக்சியில் நல்லா அரைத்து விடுங்க. கடுக்காய் விதை உடலுக்கு நஞ்சு என்பார்கள்.

யாரும் பயந்து விட வேண்டாம். பாலை நன்றாக வேக வைக்கும்போது அதன் நச்சு போய்விடும். இந்தப் பொடியை இரவு உணவுக்கு பின் ஆண்களுக்கு பாலில் ஒரு டீஸ்பூன் கலந்து கொடுத்தால் போதும். விந்தணுக்களின் உற்பத்தியை அதிகரிக்கச் செய்து விடும்.

இல்லற வாழ்க்கை நல்லறமாக மாறிவிடும். தாம்பத்தியத்தில் எந்த தடையும் வராது. இதனால் குழந்தைப்பேறுக்கான பாக்கியமும் உண்டு. ஆண், பெண் இருவரும் குடித்து வரலாம்.

Continue Reading

Entertainment

உங்க வீட்டு சுட்டீஸ்களுக்கு சூப்பரான சுவீட்

Published

on

குழந்தைகள் இனிப்பு மிட்டாய் என்றால் விரும்பி சாப்பிடுவார்கள். அதிலும் லட்டு, ஜிலேபி எல்லாவற்றையும் விட அவர்களுக்கு பிடித்தமான உணவு கமர்கட், தேன் மிட்டாய், கடலை உருண்டை, குச்சி மிட்டாய், பால்கோவா இவைகள் தான்.

நாம் காண இருப்பது உங்கள் வீட்டிலேயே எளிய முறையில் செய்யக்கூடிய பால்கோவா. இதை எப்படி செய்வது என்று பார்க்கலாமா?

என்னென்ன பொருள்கள்

பொட்டுக்கடலை – 1 கப்
சர்க்கரை – 1 கப்
ஏலக்காய் – 2
நெய் – அரை கப்

எப்படி செய்வது?

பொட்டுக்கடலை, சர்க்கரை, ஏலக்காய் ஆகியவற்றை ஒரு மிக்சியில் போட்டு நல்லா அரைச்சிக்கோங்க. இதை தனியாக வைத்து விடுங்க. அடுப்பைப் பற்ற வைங்க. ஒரு வாணலியை வைத்து அதில் அரை கப் அளவு நெய் ஊற்றுங்க. அது உருகியதும் அடுப்பை அணைத்து விடுங்க. இப்போது நெய் மிதமான சூட்டுக்கு ஆறியதும் மிக்சியில் அரைத்த மாவை அதில் போட்டு நல்லா கிளறி விடுங்க.

நெய்யில் உள்ள சூட்டிலேயே சர்க்கரை கரைந்து பால்கோவா கெட்டியாக நமக்கு கிடைக்கும்.

இப்படி நெய்யில் அரைத்த மாவை சேர்க்கும்போது ரொம்பவே இளகிய நிலையில் இருந்தால் கவலை வேண்டாம். கொஞ்ம் பொட்டுக்கடலை மாவை சேர்த்து கலந்தால் போதும். கெட்டியான பதத்திற்கு வந்து விடும்.

இதை ஒரு தட்டில் வைத்து சதுரம் சதுரமாக கட் பண்ணி எடுத்துக்கோங்க. அவ்ளோ தான் கடையில் விற்கும் பால்கோவா இப்போது உங்கள் வீட்டில்…!
உங்கள் வீட்டு சுட்டிக்குழந்தைகளுக்கு கொடுங்க. அவங்க ஜாலியா சாப்பிடுவாங்க. அவங்க சந்தோஷம் தானே நமக்கு முக்கியம்..!

Continue Reading

Trending